د مصونیت او بقا ملي مؤسسې د غالۍ اوبدلو د پروژې د بشپړېدو راپور – د اپریل ۱۰مه

د مصونیت او بقا ملي مؤسسې د غالۍ اوبدلو د پروژې د بشپړېدو راپور – د اپریل ۱۰مه

د اپریل په ۱۰مه نېټه، د مصونیت او بقا ملي مؤسسې ټول فعالیتونه له مستفیدینو سره رسماً پای ته ورسېدل.

په همدې ورځ، د مصونیت او بقا ملي مؤسسې د مستفیدینو په همکارۍ، لاسي اوبدل شوې غالۍ پرې کړې او په مناسبه بیه یې غالۍ سوداګرو ته وپلورلې. د لاسته راغلو پیسو یوه برخه د نویو موادو د پېرلو لپاره وکارول شوه، او پاتې پیسې د دریو مستفیدینو ترمنځ وویشل شوې، څو وکولای شي د خپلو کورنیو لومړني لګښتونه پرې پوره کړي.

د غالۍ له پلور وروسته، مؤسسې د غالۍ اوبدلو کارګاه له ټولو وسایلو سره یوځای، لکه چنګک، شانه، تخته، پاتې مواد او نور اړین وسایل، مستفیدینو ته وسپارله. دا وسپارنه د دې په شرط ترسره شوه چې هغوی به د وسایلو ساتنه کوي، خپل کار به بېرته پیلوي، او د هرې ډلې د محل وکیل به دا کار تأییدوي.

اوس مستفیدین کولای شي چې د خپلو شخصي کارګاوو په لرلو سره، د ډاډ احساس سره خپل د غالۍ اوبدلو کارونه له خپلو کورونو څخه بیا پیل کړي او له دې لارې پایدار عواید ترلاسه کړي.